التحاليل المعملية في مرض التهاب المفاصل المناعي المتعدد في الاطفال او بولي جي أي ايه مش هدفها الاساسي انها تشخص المرض لأن المرض تشخيصه مش بيعتمد على تحليل معين اصلا وبيعتمد في الاساس على الصورة الإكلينيكية للمرض، يعني على الاستماع الجيد للاعراض اللي بيقولها الطفل او الام والاب بتفاصيلها، وبالكشف على الطفل. لكن التحاليل لسه مهمة برضه جدا زي ما هعرف في المقال ده.
على الرغم من ان التحاليل في مرض البولي جي اي إيه مش بنعملها في الاساس لتشخيص المريض لكن لسه ليها اهمية كبيرة برضه في هذا المرض. بنعمل تلات انواع من التحاليل وكل نوع منهم بيفيدنا بطريقة معنية.
اول نوع تحاليل هي التحاليل المعملية اللي بتعكس وجود حالة التهابية في الجسم بصفة عامة زي ارتفاع سرعة الترسيب وزي السي أر بي وزي وجود فقر بالدم ودي بتساعدنا في عمل تقييم لشدة المرض، هي احد الحاجات اللي بنعتمد عليها في تقييم شدة المرض.
النوع التاني هو عمل بعض الفحوص، لو احتاجنا، فحوص من اللي المفروض انها بتطلع سلبية في المرض ده وبتطلع ايجابية فقط في امراض روماتيزمية اخرى في الاطفال.. ودي بنعملها واحنا بنستبعد الامراض الروماتيزمية الاخرى دي. وبكرر تاني بنعملها لو احتاجنا. مش هنعملها كلها او بعضها في كل المرضى. واللي بيحدد ايه منها اللي هنعمله بيكون تحليلنا للاعراض اللي بنسمعها من المريض وتفاصيل هذه الاعراض: هو ده اللي بيحدد ايه امراض تانية ممكن نشك فيها ونبقى مهتمين جدا اننا نستبعدها. يعني مجازا هنا نقدر نعتبر ان التحاليل دي بتلعب دور مساعد في عملية التشخيص لو احتاجناها.
النوع التالت:
هو تحاليل الاجسام المضادة زي تحليل الإي إن إيه ونحليل عامل الروماتويد، والتحاليل دي بتفيدنا في تقسيم المرضى اللي بيعانوا من هذا المرض الى فصائل من المرض او انواع من المرض بتفرق بينها وبين بعضها في شدة المرض وازعاج اعراضه، وبتفرق كمان في انها تخلينا نتكهن بفرصة اكبر لحدوث اعراض معينة مصاحبة للمرض زي مثلا التهاب القزحية بالعين. وبالتالي حسب ما تفيده نتائج هذه التحاليل بنقرر ايه الحاجات اللي عيننا تكون عليها اكتر واحنا بنتابع المريض.
------------------------------
قام بإعداد وتقديم هذه المعلومات الأستاذ الدكتور حاتم العيشي، استاذ الامراض الروماتيزمية بكلية الطب بجامعة القاهرة واستشاري الروماتيزم بجمهورية مصر العربية والمملكة العربية السعودية
الدكتور حاتم العيشي يهتم كثيرا بتثقيف مرضى الروماتيزم (اصطلاح مجازي يقصد به مرضى الامراض الروماتيزمية) ويدير عيادة روماتيزم بالقاهرة وايضا يدير مركز يقدم استشارات طبية اون لاين والذي يقدم، بالاضافة لخدمة استشارات طبية في مجال الروماتيزم، استشارات طبية في مجالات طبية اخرى عديدة على ايدي مجموعة من الاطباء الاستشاريين في مصر وكندا والولايات المتحدة
----------------------------
اذا كنت ترغب في الحصول على روابط المحاضرات الجديدة لدكتور حاتم العيشي عن الامراض الروماتيزمية على الواتس اب، برجاء الضغط على هذا الرابط
----------------------------
للاطلاع على مكتبة الفيديو الخاصة بفيدوهات د. حاتم العيشي على اليوتيوب للمرضى، برجاء الضغط على هذا الرابط
----------------------------
لمشاهدة فيديوهات د. حاتم العيشي للمرضى باللغة العربية، برجاء التوجه لقناته على هذا الرابط
----------------------------
اذا كنت تود الحصول على استشارة اون لاين فيديو مع د. حاتم العيشي، برجاء الضغط على هذا الرابط