قبل ما نتحدث عن ازاي الطبيب بيختار العلاج المناسب
الاول نحتاج نوضح ايه هو الهدف من وضع خطة علاج لمريض يعاني من التهاب المفاصل المناعي المتعدد في الاطفال اللي هو بولي جي أي إيه.
الهدف او الاهداف هي اننا:
الهدف الاول : التحكم الجيد جدا في الإلتهاب اللي في المفاصل في اقصر مدة ممكنة بحيث ان الطفل يوصل لمرحلة اسمها الإخماد التام لنشاط المرض.
الهدف الثانى : وهو فى الغالب يتبع الهدف الاول وهو منع اي مضاعفات كانت واردة تيجي من المرض اللي مش تحت السيطرة.
الهدف الثالث : منع اي اعراض جانبية ممكن تحدث من العلاجات اللي بنستعملها لعلاج المرض.
تاتى هنا النقطة الرئيسية للمقال وهى
على اي اساس بيختار الطبيب العلاج المناسب لحالة ابني او بنتي ؟
على اساس شدة الإلتهاب اللي في المفاصل وعلى اساس عنف المرض. إيه الفرق بين شدة الإلتهاب وبين عنف المرض؟
المرض ممكن ميكونش التهابه شديد حاليا لكن توجد علامات بتشير انه مرض ممكن يسبب مشاكل، وممكن العكس: يعني ممكن يكون التهابه عالي جدا في اللحظة دي لكن احنا عارفين من متابعتنا قبل كده ومن علامات معينة انه المرض في هذا الطفل معندوش العلامات بتاعة مرض عنيف بيعمل مضاعفات كتير. ده الفرق بين شدة الإلتهاب وبين عنف المرض.
حاجة تانية بتوضع في الإعتبار كمان لما بنقرر العلاج المناسب هي سهولة وسلاسة توفر العلاج سواء من حيث سعره او توفره من خلال تأمين عام او خاص، أو من حيث توفره اصلا في البلد المقيم فيها المريض،
وكمان بيعتمد على معرفتنا العلاج اللي استعمله المريض فى السابق ونفع او منفعش من العلاجات، ويعتمد كمان على ايه اللي يفضله المريض واسرته بعد شرح وافي ليهم عن الخيارات المختلفة
------------------------------
قام بإعداد وتقديم هذه المعلومات الأستاذ الدكتور حاتم العيشي، استاذ الامراض الروماتيزمية بكلية الطب بجامعة القاهرة واستشاري الروماتيزم بجمهورية مصر العربية والمملكة العربية السعودية
الدكتور حاتم العيشي يهتم كثيرا بتثقيف مرضى الروماتيزم (اصطلاح مجازي يقصد به مرضى الامراض الروماتيزمية) ويدير عيادة روماتيزم بالقاهرة وايضا يدير مركز يقدم استشارات طبية اون لاين والذي يقدم، بالاضافة لخدمة استشارات طبية في مجال الروماتيزم، استشارات طبية في مجالات طبية اخرى عديدة على ايدي مجموعة من الاطباء الاستشاريين في مصر وكندا والولايات المتحدة
----------------------------
اذا كنت ترغب في الحصول على روابط المحاضرات الجديدة لدكتور حاتم العيشي عن الامراض الروماتيزمية على الواتس اب، برجاء الضغط على هذا الرابط
----------------------------
للاطلاع على مكتبة الفيديو الخاصة بفيدوهات د. حاتم العيشي على اليوتيوب للمرضى، برجاء الضغط على هذا الرابط
----------------------------
لمشاهدة فيديوهات د. حاتم العيشي للمرضى باللغة العربية، برجاء التوجه لقناته على هذا الرابط
----------------------------
اذا كنت تود الحصول على استشارة اون لاين فيديو مع د. حاتم العيشي، برجاء الضغط على هذا الرابط