الاسباب التي تؤدي إلى عدم الموافقة على بوستات بالمنتدى لأنها لا تتمشى مع لائحة ووظيقة المنتدى

السبب رقم واحد

المريض يعرض تفاصيل حالة طلبا للتشخيص او تأكيد التشخيص او تقييم شدة المرض وهذه وظيفة عيادة الطبيب وهذه اكبر مشكلة تواجه المنتدى خاصة وان المريض اعتاد على الحصول على الفتاوي بشكل عشوائي من أي شخص سواء طبيب غير مختص يقابله في مناسبة عائلية او صيدلي طبعا او فنى مختبر او صديقه او جاره او المكوجي وهو بيجيب المكوى من عنده. ويرجى هنا مشاهدة هذا الفيديو رقم 352 على هذا الرابط http://www.drhatemeleishi.com/ar/blog/17 لمعرفة الضرر الكبير المحتمل من الحصول على فتاوي عشوائية بدون مراجعة طبيب يعرف كل تفاصيل حالتك ليقرر تشخيصك على اساس علمي صحيح في الاحيان القليلة التي يمكن فعلا عمل التشخيص من المعلومات المتاحة بشكل واضح وسلس جدا لن يتردد الأطباء بالمنتدى في ذلك

مثال واحد: Nehal Atef عندى الم وتنميل وحرقان فى قدمى اليمين جربت مرهم  واقراص ريباريل والفنرتن ومفيش فايدة وعملت رنين اظهر وجود ارتشاح فى القدم وعملت وظايف كلى وايكو على القلب مفيش حاجة ودلوقتى الالم بدا والتنميل بدا يظهر فى القدم الشمال كمان اية الحل يا دكتور انا باخد كورتيزون ١٥ مج  وريفايروسبير وسلسبت

مثال اتنين: Hedaya Ali السلام عليكم ورحمة الله.. أنا ٢٠ سنة واتشخصت روماتيد من ٦ أيام.. بس مفاصلي مش بتورم لكن بحس بألم وتعب دايم وبعد كل مجهود ذهني أو عضلي.. ألم شديد في كل جسمي ودايمًا إرهاق ونبضات قلبي بتتغير وبتزيد لو اتحركت وقت ما أتعب. فيتامين د عندي ١٤ وأخدتله علاج لمدة شهر ونص وبرده نفس الحالة، وعملت التحاليل دي واتشخصت روماتيد.. مع التحاليل الروشتة، الدكتور اداني علاج لمدة شهر فمحتاجة أتأكد من التشخيص فعلًا روماتيد ولا لأ؟ وهل هيخف مع العلاج ولا هيفضل مستمر؟ خصوصًا إن مفيش مفاصل بتورم لكن إيديا ورجليا بيتقلوا جدا الأيام دي وبحس بألم ف ضهري لو قعدت ذاكرت.. ومحتاجة أعرف العلاج دا عبارة عن إيه غير إنه مثبط مناعي ومضاد التهابات، وممكن يعمل آثار جانبية ولا لأ. وشكرًا جدًا لحصراتكم.

السبب رقم اتنين

مريض يطلب توصيف علاج لأعراضه او اتخاذ قرار علاجي أو حل فيما يعاني منه أو زهق من العلاج وبيطلب من طبيب المنتدى يوافق انه يوقف العلاج (!!) هذه ليست وظيفة منتدى تيقيفي. هذه وظيفة عيادة وطبيب معالج بالعيادة   أو المريض يعرض اسماء ادوية ويسأل إذا كانت مناسبة لعلاج مرضه، ونوضح هنا أن العلاجات المناسبة تعتمد، بعد صحة التشخيص طبعا وهي من اختصاص الطبيب الذي ناظر الحالة، على عدة عوامل لا تتم إلا من خلال الطبيب المعالج ايضا مثل: تقييم شدة المرض تقييم عنف المرض وضع الامراض الاخرى التي يعاني منها المريض في الاعتبار والادوية الاخرى التي يتعاطاها لهذه الامراض وضع الادوية الاخرى التي استخدمها المريض قبل ذلك في الاعتبار ومدى استجابته او مدى الضرر (اي العرض الجانبي) الذي ربما حدث بسبب تعاطي هذه الادوية يرجى هنا مشاهدة الفيديو رقم 351 على هذا الرابط  http://www.drhatemeleishi.com/ar/blog/17 لتوضيح اكثر بالضرر المحتمل من الحصول على فتاوي عشوائية للعلاج بدون مراجعة طبيب يعرف كل تفاصيل حالتك ليقرر ما يناسب حالتك من علاج

مثال واحد: Shimaa Hassan السلام عليكم لو سمحت دكتور والدتي مريضه روماتويد وفايبروميالجيا بتاخد الميثوتريكسات وللفيبروميالجيا كانت بتاخد cymbatex ومؤخرا غيرت لmyodonia بقالها تقريبا اسبوع بس  بتقول انها حاسه انه مش مريحها بمعنى حاسة بزيادة في ضربات القلب ومخليها تفكر في حاجات مش  ظريفة سؤالي هل توقف الmyodonia وترجع للcymbatex؟ كمان هل ينفع انها توقف خالص (اقصد الcymbatex)هي زهقت جدا من الدوا ؟ بتاخد ادوية  تانية Blockium diu Kenacort Lipitor Methotrexate الف شكر جزاك الله خيرا

مثال اتنين: Engy Mohamed انا موقفه ميثوتريكسات بقالي اكتر م شهرين وباخد بلاكونيل بس عشان قرار الحمل. ودلوقتي ابتديت اتعب وكل يوم ع التاني التعب بيزيد جدا َمبقتش قادره اتحمل ايه من الادويه اقدر اخده يخفف عني الألم وكدا  انا ماشيه صح ولا غلط ولا اعمل ايه

مثال تلاتة: Riham Allam لو سمحت يادكتور ماما تعبانه اوي ومافيش اي علاج جايب معاها نتيجه حتي العلاج البيولوجي ريح جسمها ماعدا رجليها الاتنين الم فظيع ومش بتقدر تمشي خالص

السبب رقم تلاتة

المريض يعرض نتائج تحاليل مجردة او تقرير اشعة ويطلب تشخيص او علاج ترجمة نتائج الفحوص تتم فقط في إطار الحالة الإكلينيكية للمريض أو أعراضه في الاساس والكشف عليه وليس لمجرد أن لدينا أرقام تحاليل. ومع ذلك، في بعض الأحيان التي يمكننا ان نعلق بتعليق يوجه المريض، بالتأكيد لن نتردد في ذلك

مثال واحد: عفوك ورضاك يارب سلام عليكم ممكن اعرف نتيجه التحاليل ده لان جسمي كله و مفاصلي بتوجعني جدا (مع ارفاق تحاليل مع البوست)

السبب رقم اربعة

خمسة: المريض يعرض حيرة الاطباء المعالجين له في حالته ويطلب الفصل بينهم: كيف لطبيب عابر يتواصل معك اليكترونيا يقرأ اختلاف الأطباء الذين ناظروا الحالة وكشفوا على المرض وراجعوا كل فحوصه أن يفصل بينهم بمعلومات ضئيلة هزيلة وبدون أن يرى المريض؟؟

مثال واحد: Samar Elshafey الغده الدرقيه عندى متضخمه وفيها تكيسات الدكاترة مختلفين المناعه بيقولى متشليهاش ودكتور الغدة بيقولى لازم تتشال أنا مريضه جوجرن ارجوا الافادة وظائفها كويسه

مثال اتنين: Shimaa Abdalaziz السلام عليكم يا دكتور بعانى من روماتيد مفصلى بقالى 3 سنين و من اسبوع قومت من النوم ع الم فزيع كأنه مسمار مدقوق فى جنب اليمين من ظهر و مسمع لعظم وسطى و الحوض و رجلى خاصه لما بقعد بحس بتقل فى رجلى وأحس فى ظهر كأن حاجه متخنقه و تخنقه فى عروق رجلى من عند ركبتى اليمين  و فى عظم بارز و حاجات مزغمده و اتشخصت روماتيزم نشط قبل ما اعمل الاشاعات و اخد علاج و مسكنات حقن مافيش نتيجه خالص و من خلال الاشعه كذا دكتور بيقول فى غضروف صغير فى اخر فقرتين و فى اللى يقولى علاجه حقن موضعى او علاج كروتيزون و علاج طبيعى مع علاج الروماتيد و انا خايفه من حقن الموضعى و برده علاج الكورتيزون و فى نفس الوقت تعبانه اعمل ابه رأى حضرتك ايه يا دكتور.  اسفه طولت ع حضرتك